Makapigil-hininga

Nahihirapan na naman akong huminga nitong mga nakalipas na araw. Parang mababaw ang hinga ko — di nakakarating sa baga o puso ang hangin — kaya’t kailangang hugutin maya’t maya.

Nang huling magkaganito ako nang medyo matindi, sumugod kami ni Mhay sa St. Luke’s at nilagyan pa ako ng oxygen tank, pero matapos ma-check up ay nakauwi rin agad. Gastro Esophageal Reflux Disease ang sabi, o baka yung condition that could lead to GERD naman.

Halos dalawang taon na ang nakalilipas, na-diagnose naman akong bordering on hypertension. Pero nag-exercise ako nang konti at nagbago ng kinakain, kaya naayos ang BP ko. Nitong mga nakalipas na linggo, lagi akong naba-bad trip sa mga bagay-bagay (gaya ng computer), tapos kain pa nang kain nang matatamis. Pero sa awa ng Diyos, ayos pa naman ang BP ko. 120/80 pa rin — normal — as of Friday.

Sana stress lang ito. Magpapatingin na ako mamaya. Kailangan ko na rin sigurong mag-enroll sa gym at tingnan kung magagamit ko ba ang Google Health.