Bee!

Nakakaaliw si Migmig, pamangkin ni Mhay. Mahigit isang taon pa lang siya, pero gaya ko ay fan na fan na rin siya ni Jollibee.

Last week, habang narito sila sa Maynila, di niya tinantanan ang lolo at lola niya hangga’t ‘di siya dinala at pinakain sa Jollibee. Nakita niya kasi ang masayang bubuyog habang namimili sila sa kalapit na grocery store.

Habang bumibiyahe naman kami pauwi sa Pampanga, sa bawat Jollibee at Jollibee billboards na madaanan namin ay bumubulalas siya ng “Bee!”

Nakakatawa lang dahil noong nasa Jolly party kami para sa isang pinsan niya, ayaw ni Migmig lumapit kay Jollibee. Naaaliw siyang tingnan pero natatakot siya kapag inilalapit siya sa mascot.

Nailapit din siya ni Mhay at nakunan pero ‘di naman nakatingin.

Ayan, tuloy, kami lang ni Jollibee ang may magandang kuha!